In unu reel instagram unu professori de s’Universidadi de Casteddu fut chistionendi de s’importàntzia de su storytelling; ca nos sardus costummaus a si bantai de is orìginis chi teneus, bentullaus sa bandera nosta, fintzas candu non srebit, perou de custas orìginis pagu ndi scieus.Aici m’est beniu a conca de fai unu mega arresumu de cussa chi est stètia sa Stòria de sa Sardigna de is originis (Paleolìticu) finas, po immoi, a is tempus de sa Sardigna romana, sperendi de podi sighiri a fai custu traballu, po su chi pertocat is àteras semanas, in su benidori.Su scopu est cussu de donai carchi notzioni de Stòria de sa terra nosta po si nd’acatai de is scusòrgius chi, fintzas in su territoriu de unu Comunu piticu, ancora podeus ammirai in totu s’isula e, mancai, cumprendi ca cussus scusòrgius podiant essi unu motori po s’economia nosta, chi fessint avaloraus cumenti si spetat.

De un'idea su sìndigu de Brucei, Simoni Monni, est nàsciu s'atòbiu de Su Printzipeddu cun is pipius de su C.A.S. (Centro di Aggregazione Sociale). Seti atòbius po arrexonai in pitzus de is argumentus de importu de su lìbburu de Antoine de Saint-Exupéry.Sa primu idea, tenta cun is operadoras de su C.A.S., fut cussa de fai un'ispetàculu cun is pipius. No est stètiu possìbbili po unas cantus chistionis. Innoi agatai sa scenegiadura chi apu fatu e chi speru potzat essi imperada po àterus traballus in sa bidda.

Su 26 de mesi de ladàmini 2024 su Comunu de Brucei at a portai is personas chi ant fatu 65 annus a Tharros. Su biaxi a postali e sa ghia in sardu funt a indonu. Po su pràngiu nci at sa possìbbilidadi de ddu ingolli de dommu, scioberai ingunis innui papai o pigai unu menù terra e mari a 34 eurus in unu ristoranti tzerriau prima. Nci at logu po is primus 50 personas, chi ant a portai su mòdulu a s'ufìtziu Protocollo de su Comunu de Brucei.Agatai is mòdulus innoi in su situ o giai imprentaus in sa mesa a s'intrada de su Comunu.

Innoi unu traballu bilìngua po contai sa traditzioni bruceresa de Su Cambiamentu.

De su 22 de mesi de argiolas a su 5 de austu su portallitu de lìngua sarda organizat una pariga de atòbius po imparai is fueddus sardus spassiendu-sì. Is atividadis, po pipius de 6 a 11 annus, s'ant a fai me is localis de su Centru istadiali (intrada de bia Gorìtzia).

Sa biblioteca comunali de Brucei impari a su portallitu de lìngua sarda ant a chistionai cun is autoris de su lìbburu, chi est spantendi is amantiosus de lìngua sarda, e non sceti, po sa precisioni linguìstica e is argumentus modernus e originalis.S'abetaus custu merì a is seti in pratza Giampaolo Marcia.

Giòbia 11 de mesi de argiolas su de tres apuntamentus de sa stagioni literària in Brucei. Micheli Atzori (connotu prusatotu cun su nòmini de musicista, Dr Drer) at presentaui su romanzu "Giornata Avara" in pratza Giampaolo Marcia.

Sighit sa stagioni literària in Brucei. Cenàbara 5 de mesi de argiolas su scritori Oscar Matteo Salis at a presentai su romanzu: "La maschera del rancore" in pratza Giampaolo Marcia a is ses e mesu de a merì. Unu liòngiu particulari acapiat sa protagonista a sa bidda de Brucei.

Su 30 de maju est cummentzada sa stagioni literària bruceresa. Custa istadi puru, sa biblioteca comunali at a aculli scritoris de medas biddas de sa Sardigna. Giòbia 27 de làmparas in pratza Gianpaolo Marcia, giai Is argiolas, presentat su lìbburu "L'amore è cieco ma il karma ci vede benissimo" s'autora, Valentina Incani.

Domìnigu 2 de làmpadas su Comunu de Brucei, impari cun s'assòtziu culturali Is pastoris de Brucei, at organizau su Cerexa fest. In custa dì de festa is turistas ant pòtziu abbisitai sa bidda e tastai sa cerexa famada de Brucei. Innoi una pariga de cunsillus po dda imperai in coxina, is calidadis s'agatant in Brucei, is sustàntzias e is benefìtzius chi tenint.

Sighit s'arrespusta a una de is preguntas chi prus intendeus in pitzus a sa lìngua nosta: "A ita serbit? Poita dda depeus sarvai?"

In partenza presso il Comune di Burcei il corso base di lingua sarda, finanziato con i fondi della Regione Autonoma della Sardegna. Saranno fornite  lezioni riguardanti le regole ortografiche, il lessico e la morfosintassi, con lettura, traduzione e conversazione anche attraverso l’utilizzo di altre discipline. I moduli si possono scaricare, perché allegati al presente avviso, o trovare già stampati all'ingresso dell'edificio comunale, accanto all'ufficio protocollo e sono da inviare compilati all'indirizzo: Questo indirizzo email è protetto dagli spambots. È necessario abilitare JavaScript per vederlo. o consegnare in segreteria.